नवरात्री द्वितीय दिवस…. माता श्री ब्रह्माचारिणी.. संकलन – अनघा वैद्य
नवरात्री द्वितीय दिवस…. माता श्री ब्रह्माचारिणी.. संकलन – अनघा वैद्य
:
माता ब्रह्मचारिणी, नवदुर्गेचे दुसरे रूप असून, तपश्चर्या व ज्ञानाची देवी आहे. ‘ब्रह्मचारिणी’ या शब्दाचा अर्थ ‘तप करणारी’ असा होतो. तिचे स्वरूप पांढरी वस्त्रे धारण केलेले, उजव्या हातात जपमाळ आणि डाव्या हातात कमंडलू घेतलेले आहे. देवी ब्रह्मचारिणीची पूजा केल्याने भक्तांची तपश्चर्येची शक्ती वाढते आणि ध्येय साध्य होते असा संदेश ती देते.
श्री ज्वाला देवी मंदिर
हे मंदिर हिमाचल प्रदेशातील कांगडा जिल्ह्यात जावलामुखी शहरात आहे.
हे हिमाचल प्रदेशातील एक प्रसिद्ध शक्तीपीठ आहे, जिथे नऊ नैसर्गिक ज्योती सतत तेवत राहतात. पौराणिक कथेनुसार, देवी सतीची जीभ येथे पडली होती. या मंदिरानजीकच्या एका खडकाच्या भेगांमधून नैसर्गिक वायू बाहेर पडून या ज्योती पेटतात आणि त्या कधीही विझत नाहीत, असे मानले जाते. या मंदिराला ‘जोता वाली मंदिर’ आणि ‘नगरकोट’ या नावांनीही ओळखले जाते. या ज्योतींना भक्त देवीचेच रूप मानतात.
पौराणिक कथेनुसार, भगवान शिवाने जेव्हा देवी सतीचे शरीर कापले, तेव्हा तिची जीभ येथे पृथ्वीवर पडली. या घटनेमुळे या जागेला शक्तीपीठ म्हणून मान्यता मिळाली आहे.
या मंदिरात नऊ वेगवेगळ्या ठिकाणी सतत तेवत असलेल्या नैसर्गिक ज्योती आहेत. या ज्योती नैसर्गिक वायूमुळे प्रज्वलित होतात, जो खडकांच्या भेगांमधून बाहेर पडतो.
मुघल सम्राट अकबर याने या ज्योती विझवण्याचा प्रयत्न केला होता, पण तो अयशस्वी ठरला, असेही मानले जाते.
गोरखनाथांची कथा: गोरखनाथांच्या या कथेनुसार, त्यांनी माता ज्वालामुखीला पाणी गरम करायला सांगून भिक्षा आणण्यासाठी गेले होते, आल्यावर खिचडी करायची होती. पण ते परत आले नाहीत. तेव्हापासून ज्वाला अजूनही जळत आहे आणि सत्य युगाची वाट पाहत आहे.
राजा भुमी चंद यांनी प्रथम मंदिर बांधले आणि नंतर १८३५ मधे महाराजा रणजितसिंग आणि राजा संसार चंद यांनी त्याचे नूतनीकरण केले.
माता श्री ब्रह्मचारीणी आणि माता श्री ज्वालादेवी यांना नमन 🙏🏻🙏🏻🌹🌹🚩🚩
संकलन – अनघा वैद्य
