📖✒️एकटेपणा..✍️ मैं हुं ना…! 🎼श्रद्धा धनेश🎼

📖✒️एकटेपणा..✍️

मैं हुं ना…!

“एकटेपणा” सहसा कोणालाच आवडत नाही.अगदी तुसडी आणि माणूसकी नसलेली लोकं सोडली, तर सर्वांनाच कोणाचं ना कोणाचं सानिध्य हवंहवंस वाटतं.
माझं म्हणाल तर एकटेपणा हा माझा पक्का शत्रू .मी एकटा राहूच शकत नाही…

अणि विचार केला तर..
अर्थात “एकटेपणा” आपल्याला आपल्या चुकाही दाखवून देतो.. कितीदातरी,जगण्याच्या नादात आपलंही एखाद्या ख-या जवळच्या व्यक्तींकडे दुर्लक्ष झालेलं असतं.आपण आपल्या रंगीबेरंगी आयुष्यात,नको त्या गोतावळ्यात, इतके बुडून गेलेले असतो की आपल्यावर खरंखुरं प्रेम करणारं ,एखादं ‘आपलं’ माणूस आपल्यावर नाराज आहे, हे आपल्या लक्षातही येत नाही..किंवा चुकून जाणवलंच कधी तरीही आपण ते फारसं मनावर घेत नाही.कारण आपण त्या व्यक्तीला गृहीतच
धरलेलं असतं. “ते काय माझे हक्काचीच तर आहे. मी त्यांची कधीही समजूत काढू शकेन.” या भ्रमातच वावरत असतो.
“पण खरंतर त्या गोष्टीची तातडीने दखल घेणं खूप गरजेचं असतं.”

“एकटेपणात” असं शांत बसून विचार केल्यावर ,अशा ब-याचशा गोष्टी लक्षात आल्या आहेत..” कौन अपना कौन पराया” हे डोळ्यांना लख्ख दिसू लागलंय आणि माझ्याकडून केल्या गेलेल्या चुका देखील मला स्पष्टपणे जाणवल्या आहेत. जी माणसं ‘माझी’ राहिलेली नाहीत,त्यांचं कधीतरी वाईट वाटतं…पण आता कळतंय की
ती कधीच माझी नव्हती…!
आणि जर माझ्या जीवलगांकडे माझ्याकडून दुर्लक्ष केलं गेलं असेल तर त्या सर्वांची मनापासून माफी मागून मी माझ्या चुका सुधारणार आहे.
सर्वांना आवर्जून फोन करणार
आहे..सर्वांची नियमितपणे चौकशी करणार आहे..आणि त्यांना जेव्हा कधी गरज असेल
त्यावळी, ” मैं हूँ ना…! ” असं
सांगून त्यांना आश्वस्तही करणार आहे….!

कारण या तीन शब्दांचा खरा अर्थ..त्यांच्यातली ताकद आणि त्यांनी मिळणारा दिलासा…हे सारं काही, या “एकटेपणा” मध्ये मी पुरेपूर जाणून घेऊ शकलो आहे..!
✨✨✨✨

🎼श्रद्धा धनेश🎼

🌻🌞शुभ सकाळ🌞🌻