स्टार्ट अप ” उद्योगांचे संभाव्य धोके:……… वासुदेव स. पटवर्धन, पुणे.  मोबाईल नंबर: 8459583871

वस्तू उत्पादन क्षेत्र हे दुसरे विचारात घेतले जाणे आवश्यक आहे. सर्वच उत्पादन प्रक्रियेत थोड्याफार प्रमाणात प्रदूषण निर्मिती होतच असते. अल्प प्रमाणात होणाऱ्या प्रदूषणाचे नियंत्रण नैसर्गिक पध्दतीने होण्याची शक्यता असते किंवा त्याचा परिणाम तितकासा जाणवत नाही. परंतु काही प्रकारचे उद्योग मोठ्या प्रमाणावर घातक प्रदूषणकारी असतात. सर्वसाधारणपणे रसायन व औषध निर्मिती, रंग निर्मिती यासारखे उद्योग जास्त प्रमाणात प्रदूषण करतात हे सर्वांना समजते. परंतु वाहन निर्माण उद्योगाचा प्रमुख घटक, प्लेटिंग, ह्यातून देखील मोठ्या प्रमाणात घातक जलप्रदूषण होते. दुर्दैवाने, आपल्याकडे जे उत्पादक आहेत त्यांना उत्पादनाशी संलग्न विषयांची पुरेशी माहिती नसते. उत्पादन निर्मितीचा खर्च व बाजारपेठेची परिस्थिती यांचा अभ्यास, फायद्यावर लक्ष ठेऊन त्यांना करावाच लागतो. पण उद्योगाच्या दृष्टीने एक महत्त्वाचा भाग, प्रदूषण नियंत्रण व पर्यावरण संरक्षण दुर्लक्षित केला जातो. त्यामुळे सरकारी यंत्रणेवरच ह्या पैलूकडे काटेकोरपणे लक्ष द्यायची जबाबदारी आहे. परंतु तेथे देखील, वर उल्लेख केल्याप्रमाणे, पायाभूत सुविधांची व तज्ञ मनुष्यबळाची कमतरता जाणवते. ज्या प्रमाणात आणि ज्या वेगात उद्योगांची वाढ झाली आहे, होत आहे, त्याच्या तुलनेत सरकारी यंत्रणा खूपच कमी पडतात. ह्याचा परिणाम नैसर्गिक स्त्रोतांच्या प्रदूषणावर आणि पर्यायाने उपलब्धतेवर होतो.

तेव्हा, स्टार्ट अप उद्योग-व्यवसायांना प्रोत्साहन देताना वरील दोन्ही विषयांचा अभ्यासपूर्वक विचार होणे अगत्याचे, आवश्यक आहे.

— वासुदेव स. पटवर्धन, पुणे.

मोबाईल नंबर: 8459583871