📖✒️व्यक्तीला राग का येतो..? ✍️ श्रद्धा धनेश

📖✒️व्यक्तीला राग का येतो..?✍️

रागाचे मूळ कारण आहे प्रतिक्रिया! माणूस प्रतिक्रिया केव्हा देतो? जेव्हा एखादी अशी घटना,प्रसंग, संवाद व कृती व्यक्तीच्या मनाविरूद्ध अथवा स्वभावाविरूद्ध जाणून किंवा अजाणतेपणी प्रत्यक्ष किंव्हा अप्रत्यक्ष घडते,घडून येते किंवा तशी कृती वा घटना घडविण्यासाठी मुद्दामहून प्रोत्साहन देण्यात येते, तेव्हा व्यक्ती उत्सफूर्तपणे व्यक्त होतो, तिला व्यक्तीची स्वाभाविक प्रतिक्रिया असे म्हणतात.
प्रतिक्रिया ही दोन प्रकारची असते.एक नकारात्मक आणि दुसरी सकारात्मक. समजा एखाद्याने शिवीगाळ केली तर त्याला प्रतिउत्तर म्हणून परत शिवी दीली जाते. पुढे वाद वाढून तणाव निर्माण होतो. तणावाचे रूपातंर नंतर भांडण-तंट्यामधे होऊन मारहाणीत होते.भांडण विकोपाला गेल्यास जीव घेण्या आणि जीव देण्यात वादात रूपांतर होते.
मगं यांवर उपाय काय आहे? संयम आणि शांतता!
म्हणजे ताबडतोब प्रतिक्रिया न देणे.पुढील परिणामाचा विचार करून प्रतिक्रिया करणे. प्रतिक्रिया न दिल्यास आपला संताप, भांडण यापासून बचाव होतो.
दुसरी प्रतिक्रिया ही सकारात्मक असते. तीला प्रतिसाद असेही म्हणतात. जसे एखाद्या व्यक्तीवर आणि प्राण्यावर खूप प्रेम, सहानुभूती दाटून येते. रागामुळे व्यक्तीचे कधीही भरून न निघणारे नुकसान होते! त्यापासून वाचण्यासाठी एकच उपाय आहे तो म्हणजे ताबडतोब प्रतिक्रिया न देणे. त्वरीत उत्तर न देणे आणि मनात संयम बाळगून शांत राहणे. थोडा वेळ शांत राहील्यास संबधित व्यक्तीचा राग आपोआपच कमी होतो.क्रोध नाहीसा होऊन तो पश्चाताप करायला लागतो!
“बाकी आपण खुद समझदार आहात..!”
✨✨✨✨

🎼श्रद्धा धनेश🎼